مجلة عشـــاق الشعـــر الإلكترونية (ممدوح حنفي)
بحبك قد إيه ماعرفش
ولا عارفة بحبك ليه
وكتمان حبى
خلى القلب
ضعيف والهم
أقوى مافيه
بحبك أه ولاعارفة
هواك دا لفين
واخدنى معاه
وادارى عليك
عشان خايفة
أسلم ليك
أقاسى الأه
ف اناجى الدمعة
واحايلها
ولما تروح
أشوف غيرها
أناديها
دى قصة ف كل يوم
عشاق بتحكيها
بحبك ليه ؟
بحبك ياه
يا أحلى حبيب
دا قلبى إليك
ومش ليا
وحلم الروح
تكونلى نصيب
واكون وحدى
لعنيك غية
ولكن
شَكِى فيك غلاب
بتهوى تبيع
هوى الأحباب
وتجرحهم
وانا مش حِمل
تجرحنى
ف اناجى الدمعة
واحايلها
ولما تروح
أشوف غيرها
أناديها
دى قصة ف كل يوم
عشاق بتحكيها
بحبك ليه ؟
# كرم شحات #
ساحة النقاش