خليك فاكر.......... بقلم /جمال الشاعر

مجلة عشاق الشعر الإلكترونية.. ممدوح حنفي 

روح وجرب دنيتك

شوفها من غيري حتبقي ازاي

جرب.... امشى ف سكتك

وانسي أنك كنت عازف عود وناي 

صاحب الدنيا الغرورة 
عيشها برضو صوت وصورة 
مانتا يمكن للضرورة
تشتهى تعشق سواى 
روح بقى وصاحبه وجاريه 
وأن زعل منك داديه 
وأن جرحته ف يوم واسيه 
شوف حيصبر قد ايه 
قد تجربتك معاي 
وأما ترجع تبقى فاكر 
إنه مابيقع إلا شاطر 
لو تسافر او تهاجر
او تذاكر فى الدفاتر 

مش حتنسي ف يوم هواي