مجلة عشـــاق الشعـــر الإلكترونية (ممدوح حنفي)
كله بيعــــــــــــــــــــدّي *** دى الزمن قادر وبينسّــي
كان غباء منـــــــــــــــــك *** ولا يوم أنا كنت ملكـــــك
عيش وكمّـــــــــــــــــــــل *** بعد ما بعتـــــــــــــك
آمن وسَلّـــــــــــــــــــــم *** خلاص أنا ضعت منــــــك
**********
ماتجيش تقولــــــــــــي *** بعد إلي كان فاكرة زمـان
دى إلي كان غلطـــــــة *** وكان ياما كـــــــــــــــــان
واحكى يا ضحكتــــــــي *** حكاية إلي خـــــــــــــان
قلب قاسى أنانـــــــــي *** فاضي من الحنــــــــــان
ضميته جوة قلبـــــــــي *** سرق منه الأمـــــــــــان
بِعتة بالرخيـــــــــــــــص *** في سوق النسيـــــــان
**********
واتقفلت الستـــــــــــارة *** على حدوتة بايخــــــــه
بطلها قتلني فيهــــــــــا *** وأديني لسه عايشــــه
أيوة أنا زي ما إنت عارف *** لسه جامــــــــــــــــــدة
كل ما أقع أقوم أكمـــــل *** طبعي المعانــــــــــــدة
**********
كان غباء إنـــــــــــــــــك *** ترجع تحـــــــــــــــــــاول
خلاص أنا لبست الهجـر *** في إيدى أســـــــــــــاور
من بعد تكبير الدمــــــاغ *** عامل بنا ومنـــــــــــــاول!
**********
إبني وعلّي بُنـــــــــــاك *** ومالــــــــــــــــــــــــــــــه
مبنى فى مدنتـــــــــي *** يادوب أعدي قبالــــــــــه
أما سكني جوة قلــــب *** دافي طُوبُة ريحته حـــب
**********
انهي كلامــــــــــــــــك *** معدش لك مطــــــــــــــرح
شجر الخيانـــــــــــــــة *** نسيان بيطــــــــــــــــــــرح
آمن وسلّـــــــــــــــــم *** قبل ما شوكها لقلبك يجرح
دى كله بيعدي
كلـه بيعـدي
ساحة النقاش