مجلة عشاق الشعر الإلكترونية.. ممدوح حنفي
أتريك فى قناع ملاك
والفتنة فى القلوب مزروعة
والقلوب صارت فى هلاك
وأحلامى هلت موجوعة
اه منك يا عاشق الغواية
اهدا وبلاش عطن
اياك نسيت زمن الهداية
وزرعت فى نفوسنا الفتن
متسيبنى يا طلى فى حالى
ابعد عنى وارحل
انت مش على بالى
قلبى ف وجودك مش متحمل
غمض عيونك ومتفتحهومش
ومن قلبى الدموع فرت
ابعد دراعاتك ومتمدهومش
أصل حياتى ف الدنيا كلت
بنفخ فى قرب مخرومة
والعطن من خشمك طافح
والسهر فى ليلة مكتومة
تهد بيها المطارح
غش الكلام مفضوح
والناس شرقانة حديت
وكلام المصاطب والسطوح
هدت كام بيت ...؟!!!
كلامك مش بيهمنى
غوايتك بطلت تأثر
وألاعييك بتغنى
وأنا منك بتحسر
متخلع يا خوف قناعك
وارجع تانى لطبيعتك
دانا مليت من خداعك
وياريتنى ما تبعتك
ساحة النقاش