مجلة عشـــاق الشعـــر الإلكترونية (ممدوح حنفي)
نفسي ازور البيت
أغسل ذنوبي هناك
وأقول بأعلى صوت
لبيك يا الله
يا مالك الملكوت
نفسي ازور مكة
وفي المدينة أموت
وازور رسول الله
وابلغه السلام
وبلبس الإحرام
اطوف حول الكعبة
بيت الله الحرام
لبيك يا ربي
ولا غير ده أي كلام
لبيك يا حنان
لبيك يامنان
ارزقنا الجنان
نشرب من الكوثر
من إيد النبي العدنان
ارجم هناك إبليس
في اليوم دا هوا تعيس
إبليس دا أصله خسيس
وبين الصفا والمروة
الروح هناك تروي
اسعى هناك سبعة
اهرول في ثلاثة
واتمهل انا فى الرابعة
وعند الحجر الأسود
أبكي واتنهد
اقبله او اشاورله
انا بالسنة باستشهد
واحلق وأقصر
طول عمري أنا مذنب
طول عمري أنا مقصر
واشرب من زمزم
والله انا بحلم
ويوم التروية
همتنا قوية
ويوم عرفة نحشد
فوق الجبل نصعد
نبكي ونتنهد
على قلوب صلبة
نبكي ونتنهد
على قلوب تجحد
ونصلي فى المزدلفة
من الذنوب نعفى
قلوبنا هناك تصفي
وفي العقبة رمينا
شيطان كان مغمينا
دا ربنا حامينا
وهناك بقى نضحي
يا قلوبنا يلا اصحي
نرمي في العقبة
ونزيح العقبة
ونرجع لبيت الله
ونطوف الإفاضة
أصل الحج ياه
فيه أكبر انتفاضة
ضد ذنوب عاميانة
لبيك يا ربي لبيك يا الله
لبيك اللهم لبيك
لبيك لا شريك لك لبيك
إن الحمد والنعمة لك والملك
لا شريك لك
إبراهيم بدر
ساحة النقاش