مجلة عشاق الشعر الإلكترونية.. ممدوح حنفي
بين الدروب رحله مشينها للمجهول
وبين العيون دمعه فيها الجراح بتقول
غربه وسفر اخطار بين الحياة والموت
انا حلمى كان ادّام شمعه بضؤ مخفوت
خيّم ظلام الليل عشش سواد فى بيوت
وحتى طعم الشهد فى ريقي مش مظبوط
فيه المرار فى الريق قلبى الغريق بيموت
وسط الطريق ماشى فى خطوتى مربوط
نزله الدموع منى بلّت امل كان يوم
عايش ده جوة التوب
برد الرياح وجعه جوايه بكيه ضلوع
بين الحياة ساقيه دايرة وفيها بدور
بين الحروف شاكيه ومعاها باكيه سطور
حلمى اللى كان منى اصبح امل مبطور
جمّعت انا اشلائي طمعان فى حبة نور
شمس الحياة طلعه بس النهار مش نور
بين النهار والليل مش فارقه
احلامي احلامي ايه هتكون
كل السنين شيّبه بين الغصون ع العود
حتى الربيع هاجر كم الف وردة تموت
واقف ولا قادر احيّي فرح بيموت
واقف وانا شارد بأديه انا مربوط
انهار انا قلبي تحت الركام ميّت
وصحيت على صرختى وشعري متشيب
عاجبي على الدنيا فيها وبنرحل
لما النهار غيّب
مين اللى عاش واختار
يلبس هنا يعيّد
توب الحداد ملبوس والحلم متقيّد
اه ---------------------- والحلم متقيّد
ساحة النقاش