»§همسات خفيفه§« للشاعر /محمد حسين الزين

مجلة عشـــاق الشعـــر الإلكترونية (ممدوح حنفي)

»§همسات خفيفه§« للشاعر /محمد حسين الزين
دورت عنك فى الوشوش ماعرفتكيش 
وسألت عن حنيتك وعطفك عليا 
لحد إمتى بجرح قلبى ماتعرفيش 
ولحد إمتى هاتبعدى وتعاندى فيا 
سايب عشانك كل حاجه ماهمنيش 
وعشانك إنتى أضحى بالروح اللى ليا 
إمتى بقى ؟
هاتشوفى دمعى مغطى عينى فترحمى 
إمتى بقى ؟ 
هاتشوفى جرحى فتبكى أو تتألمى
وتشوفى دمى بيجرى على أرضك فداكى 
وتحسى مره إن انا فى ضعفك حماكى 
ليه ساكته ليه ؟
للى بيقتل كل يوم إبنك ضناكى 
مش عايزه ليه ؟
تتكلمى وبتسلمى للى عاداكى 
ولا إنتى عاجبك وقفة الخونه ف عزاكى 
واللى فى قلبه بيكرهك ومعرفك إنه معاكى 
إمتى هاترجع بلدى الحلوه الجميله 
اللى بكلمتها تسكت ألف بوق
إمتى هايرجع أهلها والعشره الطويله 
إمتى هانرفع إسمها عالى لفوق
إمتى هانرجع كلنا مع بعض عيله 
إمتى هانفهم إننا... لازم نفوق
‫#‏قائديات‬