جارى التحميل
استخدم زر ESC أو رجوع للعودة
يا دنيا دوري ودوري بينا ... بس من غير ما تدوخينا ... نرضيكي وتيجي علينا
يا دنيا تعبتينا
شايفينك صح ولا ... كلام بيه بنتسلى ... دورانك خد منا ما خلى
وخلى الاصيل عرف طعم المذله
لا حقول نفوس ... ولا ناس على بعضها بتدوس ... حقول يا دنيا اللي ينخ فيكي تحت عجلاتك مهروس
عجلات بتدور ... وناس واقفه طابور ... القوي في الاول والضعيف في الاخر ذليل مكسور ... والكل مستني الدور
دوره لما تدوري يا دنيا عليه ... بتدوري من غير ازاي وليه
دوران ومع كل لفه ... ترفع كفه وتطب كفه ... ناس من تحت لفوق ونعيمك يا دنيا ليه لهفه ... وناس من فوق لتحت على الارض زاحفه
يا دنيا دوري ودوري بينا ... مش عايزينك تغنينا
كل اللي عايزينه فيكي الستر والستر يا دنيا يكفينا
(( مدحت سلام ))
(مجلة عشاق الشعر)(1)(ممدوح حنفي)
ساحة النقاش