مجلة عشـــاق الشعـــر الإلكترونية (ممدوح حنفي)
ولا تخافى
======
بقلم الشاعر المصري/احمد ابراهيم
=======================
انا حنبك ولا تخافى
هشيل همك على كتافى
هعيش طول عمرى مكتبلك
هعيش ع العهد انا وافى
ولو تبكى عنيكى ف يوم
عليكى بحور عيون تدمع ومش كافى
انا حلمك وانتى كمان فى احلامى
انا ظلك وانا شمسك
وحضن حنينك الدافى
تعالى ف حضنى وارتاحى
كفايه بعاد ده انا التايه
كفايه فراق ده قلبى منى انا ضايع
فى غربة اه سنين فرقه
من عمرى وعمرك
سرقه مش كمله
على توبك حداد مالى
شبيه اللون بدى الطرحه
بتدوى فيا ميت صرخه
على الفرقه على الغربه
اهات تشكى سواد كاسي
وسكنه ف عينى وعنيكى
بحور دمعه
قلوبنا م المرار شربه و جوانا الضلوع وجعه
كفايه حبيبتى اشوقنا ماليها حدود
كفايه الجرح بيبكى طيور بتموت
ووردة حبنا دبلت وعطر الفرح مش موجود
حبيبتى تعالى مستني ده انا ورقه
على شجرة كسيها الموت
حبيبتى لكى بكتبلك
وروحى فيكى بتقولك
زمان العمر ده قصيّر فى لحظه يفوت
نكون قصه وحدوته ومش كمله
تعالى كملّى القصه
وعيشى فى حضنى وارتاحى
ولا تخافى
انا حنبك ولا تخافى
هشيل همك على كتافى
هعيش طول عمرى مكتبلك
هعيش ع العهد انا وافى
ولا تخافى ولا تخافى
=================
بقلم الشاعر المصري/احمد ابراهيم
ساحة النقاش