أبين زين. ..بقلم الشاعر / عــــــادل الشــــــهــــابى

مجلة عشاق الشعر الإلكترونية. .ممدوح حنفي

أبين زين أبين وأضرب الودع ...

أطمن الصبيه وأشوف بخت الجدع ...

الحب لا ينباع وحتى ينزرع ...

أنا وودعى بين البلاد ماشين ..

أضرب الودع وأطمن العاشقين ...

وفرح اللى طول عمره حزين ...

يا ست يا بتاعت الودع ...

شوفى الودع هيقولك أيه ....

على شاب ما شافش فرح بعنيه ..
وشايف الدنيا جايه عليه ..
قرب يا بنى وأرمى بياضك ...
ووشوش الودع عن أحوالك ...
أسمع يا بنى كلامى وفتح ودانك ...
ياما كتير الحزن أختارك ...
والدمع ما فرقش عينك ولا دارك ..
مكنتش عارف تشكى لأخوك ولا جارك ..
يا بنى فيه بنت كمان شغلاك ...
فى الرايحه والجايه بتستناك ...
حاسب منها حبها يابنى هلاك ..
ما يغركش أن عيونها عسليه ...
دى لا تعرف طيبه ولا حنيه ...
وكل اللى فى قلبها حقد وآسيه ..
مريت يابنى بكتير مواقف ...
خلتك من بكره كمان خايف ...
وللى بيحبوك مش شايف ..
يا بنى أصبر هتنول ويا بنى كتر خيرك ...
أستحملت كتير وصبرت أنت عن غيرك ...
شايفه يابنى الفرح فى طريقك ..
فيه بنت قلبها فى حبك حيران ...
مش بعيده عنك لا دى بنت الجيران ..
الودع قال إيه تانى يا ست قوليلى ...
عرفينى بقا وأحكيلى ...
إيه تانى هشوفه فى سنينى ...
يا بنى خلاص خلص الكلام ...
وكل شىء بأدين الرحمن ..
خليك متمسك بالقرآن ..
واللى فى صدرك يكون قلب إنسان ..
عمرك ما تنام يوم زعلان ...