مجلة عشـــاق الشعـــر الإلكترونية (ممدوح حنفي)
,,,,, مالك يازمان معاند ,,,,,, بقلمى عبدالواحد محمد ,,,, شعر عامى
,,,,,,,,,,,,,,,,,,,,,,,,,,,,,,,,,,,,,,,,,,,
حصبر عليك يازمن وراضى ماجرالى
حاكم أكون رحال بلا مرسى
ألف أدور لروحى عن أنفاس
وأنتى تزل فيه وبتقسى
بنيت بنايه وعليته ووقع على راسى
من كتر فحت العدى وحسادى
حتى اللى كنت فاكرهم مره أحبابى
داسو عليه وبعونى بأرخس الأسعار
وقبضو من دمى ولا رأفو بأحوالى
دورت على أساس البت طلع خايب
كان تحته ريش وحطب وهشيم
ولما ثقل الحمل خر البنى العالى
وعرفت أن السبب كانت أفعالى
كل اللى يفتح كتابى يقرء يدوب سطرين
مع أنو مليان عذاب مع دموع وأنين
قصه ورى قصه الحجر منها يلين
قلع ف مهب الريح مركب بلا شطأن
والعين ملاها النحيب وشيب على الخدين
وظهر محنى من الاحمال وبيه رحال
وفرحه مغصوبه وبسمه تدارى كتير
وكلمتين مواسي ويتصعب على حالى
ويقول حرام كده يبقى كثير
يقفل كتابى قاريه ويقول بلاش أوجاع
أحسنله يمضى يموت ويروع ف غمضه عين
لكن ده حتى منى والموت أجيبه منين
وسط الكتاب سطر مكتوب وفيه وجعى
مفيش سند غير الله ومعين
مفيش ولد ولا بنت تواسينى
ولا أخ أقوله الوجع وأكون فأحضانه
ولا رفيق غير دموعى وسهر بطول الليل
حتى الكلام ممنوع والشكوى
ولما أشكى يقولو بتشكى لمين
بتشكى زمنك لزمنك تبقى صحيح خايب
معدش نايب غير الأحمال وأنتى حملت كتير
لفيت بلاد الكون دوله ورى دوله
وجدت نفسى لاحوله ولا قوه
فمره أركب سفينه ومره طياره
ومره أسكن عماره ومره ساكن فيلا
ومره عشه فراخ وعشايه رغيفى الحاف
ومره ثلاجتى فيها الخيرات ومره حلتى فاضيه
ومره أشرب عسل ومرغموسى دموع
ومره فوق الروس متشال ومره تحت القدم
ضربنى بالجزمه
وكل عجبى ده ليه هوه ده جزاء صبرى
الناس تعيش الفرح وتشرب من الافراح
وأنا اللى أشرب عذاب وغيرى يتهنى
ياتاجر الصبر ممكن كام قنطار وبلاش تقول النعيم
بينباع بكام كلمه
يظهر خلاص النعيم وراحه البال بقى شئ نادر الوجود
ومش حلاقيه الا ف الجنه
,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
ساحة النقاش