مجلة عشـــاق الشعـــر الإلكترونية (ممدوح حنفي)
طيب يا زمان
***********
كان ياما كان
كان في إنسان
واحد ...... غلبان
طيب و صريح
ولسانه فصيح
وف قلبه حنان
رغم إنه جريح
عملولوا كمين
من غير ما يبان
راح واقع فيه
لقي فيه ثعبان
عض .... الغلبان
زرع ..... الاسنان
والدم ...... يسيل
والجسم ...... عليل
مبقاش .... إنسان
بقي زي خيال
محسوب ... تمثال
والسم بيجري
وميت ... سجان
قاعد محبوس
و لا لمبه تإيد
ولا حتي فنوس
و لا أي صديق
والسجن عميق
والحيطه العاليه
بألف .... ودان
طيرت .... النوم
والصوت مكتوم
غرقان في هموم
ولوحدي بعوم
ولا حتي جيران
طيب يا زمان
انا مش ندمان
و لا عايز اهرب
م ........... السجان
انا عايز صوتي
يشق .......... الليل
ويلف ....... الدنيا
وكل ........... مكان
انا عايز صوتي
يكون ...... بركان
انا مش هستسلم
مهما ..... يكون
انا هبعت صرخة
تلف ..... الكون
تتحدي ...... عدّوي
وميت ....... فرعون
انا عاقل جدا
مش ....... مجنون
انا صوتي حقيقي
و مش ..... كرتون
انا شايل همّ
وحمل ......... ثقيل
انا ماشي ف سكه
طريقي ...... طويل
انا فكره وحلم
و ثورة ......... جيل
انا جرح بينزف
طول ........ الليل
انا دمي معلّم
ع ....... المنديل
انا ضد الفوضي
وأي ........ هوان
انا راضي نصيبي
ومش .......... ندمان
انا مش ارجوز
و لا ابو قردان
انا لي تاريخ
وشعور ..... إنسان
طيب يا زمان
*********
بقلم // طه إبراهيم
قصيدتي سنة 2009 م
ساحة النقاش