مجلة عشـــاق الشعـــر الإلكترونية (ممدوح حنفي)
رمضان فرَّحـْنــــا ( أغــنــيـــــة )
===================
رمضان نـوَّرْنــا
شرف فى ديارنــا
والسعد أهو جالنــا
روق لـِنا بالنــا
يامسحراتــى
غنىِّ وطبلنــا
وانـْـدَه أسامينــا
البركة تجينــا
واحكى لـْـنا حكايــة
عن سيدنا نبينــا
أيامه الحلــوة
بالخير تهدينــا
واختمها بغنــوة
تسعد ليالينــا
....................
فى نهارك يارمضان قــُومنــا
م الفجر للمغرب صومنــا
صلينا يارب وسبحـْنــا
وقرينا القرآن وشَرَحـْنــا
اضرب يامدفع الافطــار
رمضان خلىَّ فى القلب عمـار
اتفضلوا ياضيوفنا معانــا
الخير ويا رمضان جانــا
كتر موائدنا وخلانــا
نشكر المولى سبحانــه
....................
فوانيسنا بتميل وتغنــى
نرقص وياها ونغنــى
قوموا ياللا ننور فوانيسنــا
نتوكل على رب حارسنــا
نطلب العادة وبالحسنــى
من خير أهالينا ومن ناسنــا
خلينا نصلى بقى التراويــح
بـِنـِـيــَّة ْ جميلة وقلب مـُريــح
ودى سُنــَّة أكيدة ومش هاتضيع
طول ما انت معانا يارمضــان
....................
رمضان فــرَّحــْـنــا
كـَـتــــَّر أفراحنــا
بارك خطاوينــا
واكتب أسامينــا
فى الخير وارضينــا
الصوم لخالقنــا
مين غـِـيرُه يحاسبنــا
هو اللى لـِـيــنــا
بالرحمة هادينــا
يارب اسعدنــا
واسعد أهالينــا
واجمعنا ياربــى
صـُحـْـبـَة مع نبينـــا
.................................................
ايمن يوسف احمد يوسف
مصر - بورسعيد
ساحة النقاش