صوره ...بقلم الشاعر / مصطفى أبو الدهب

مجلة عشاق الشعر الإلكترونية. .ممدوح حنفي

أحنا مهربناش ولا 

كنا فيوم خاينين

أنا بتكلم عل قالو 

علينا هربانين

بلدنا طردتنا 

والغربه لمتنا 

لما كنا محتاجين 

وحط تحت كلمه
محتاجين ألف خط 
آتزلينا وأتبهدلنا 
ومش قضيه 
لاننا كنا ف بلدنا 
مزلولين
متبهدلين 
وشويه كنا حنبقا 
شحاتين 
متسولين 
قالوا كبارنا 
أصبرو 
إن الله مع الصابرين 
نصبر على أيه 
ولا ايه ولا ايه 
ياعم والله خمسنا 
السجاره 
وهما عندهم بدل 
البيت مليون عماره 
وبيتنا ميت شق فيه 
مهو اصل مبني 
من التراب و الطين 
ولفين تروح بفقرك 
يا مسكين 
ودي صوره لبنت 
من بلدنا 
لو سألتها حتقلك 
ليا الشرف اني مصريه 
والله الشرف لينا 
يا بنتي ولكل المصرين 
في بلد البنت بتمسح 
فيهاجزم يا بني أدمين
في أي مله وفي اي 
دين 
طيب حنقول يامين 
فين الأمرا والملوك 
والرؤسا والسلاطين
فين راحو المسلمين
والله يا بنتي أنا شايفك 
كبيرة .وشايفهم هما 
صغيرين 
والتاج يا بنتي مش دهب 
التاج على جبينك عفه 
وكرامه وعزة نفس 
بس هما مش فاهمين
وما عاب الورد يوم 
إنه إتزرع ف الطين
اللي بياكل بمعلقه 
دهب حرامي 
قالو عليه ابن ناس 
والشريف اللي
بيشقا على لقمته 
بعرق الجبين 
تلاقاة تحت الجزم 
منداس 
طيب وأخرتها ايه 
يا معلمين 
وياترى مخدنا 
الخطا لحد فين