مجلة عشـــاق الشعـــر الإلكترونية (ممدوح حنفي)
متسولون من غير ليه!
..............
ليه يابلد اللى بينحت فيكى بيشحت
واللى يهز أو حتى ينصب نجمه فى العلا بيثبت
ليه تكافئى اللى بيغلط...
وليه تعاقبى اللى يكافح واللى يشقى لما يبهت...
ليه أسافر
دا لو عرفت يعنى أسافر
وليه أعافر
لما حالتى تصعب ع الكافر
وليه أحاور وليه أناور
لما ممكن ع الحق علطول أشاور
وليه تخوفينى دايما بالأساور
وليه تقفلى فى وشى كل المناور
ليه عايزانى عبيط
يا إما أغرق فى المحيط
ليه أطبل وليه أهبل
لما كان ممكن تخلينى مواطن بسيط
أحمد مرعى
ساحة النقاش