مجلة عشـــاق الشعـــر الإلكترونية (ممدوح حنفي)
(( الأمـــــل ))
..................
الملل كل حياتي شمل
فى الملل .. إيه العمل؟
ياصـافـين النيه .. ردوا عــليا
يا اهل الدنيا .. إرحموا عينيا
....................................
بمـــل اليـــوم .. ولـــون الغيــوم
بمل الوحده وعلى طول مهموم
نفس الموضوع .. حـــزن ودمــوع
اليـــوم فـى حـــياتـى إســــبوع
متعذب مع سـنين الأزل
فى الملل .. إيه العمل؟
ياصـافـين النيه .. ردوا عــليا
يا اهل الدنيا .. إرحموا عينيا
....................................
الصبح والليل .. والشوارع والنيل
زي مـا همـــه و الله مستحيـــل
الفشل طوابير .. الحنضل مــرير
نفـس الشـئ .. مافيش تغـــير
هو ده المكتوب والأجل؟
فى الملل .. إيه العمل؟
ياصـافـين النيه .. ردوا عــليا
يا اهل الدنيا .. إرحموا عينيا
....................................
الحـــل إيــه .. فـــين ألاقيه؟
قولولي منين طريق أراضيه؟
ياناس الحياه .. ردوا ولـو بالآهـ
طمنوني الحـــل فــــين ألقاهـ
دي الدنيا صحرا وأنا الجمل
فـى المـلل .. إيـه العمـل؟
ياصـافـين النيه .. ردوا عــليا
يا اهل الدنيا .. إرحموا عينيا
....................................
أيوه يا ناسي .. والله بـ آسـي
وتـاه عقلـــي .. فــي راسـي
قولتوا إيه؟ .. ساكتين ليه؟
قـــولـــوا وأنا أجــرى عليه
دا أنا ظهرى ياما حمـــل
في الملل .. إيه العمل؟
ياصـافـين النيه .. ردوا عــليا
يا اهل الدنيا .. إرحموا عينيا
....................................
إيه يا لايصين ؟ .. إيه يا تعبانين؟
حـــتى فـــي الـــرد مـــترددين؟
الحل جالي .. وللطريق هداني
جالي نادهلي .. بصــوت رباني
بس الأمـــل .. هو الأمـــل
العمل فى الملل .. الأمـل
ياصافين النيه .. عيشوا بأمل
يااهـــل الدنيا .. إدعـــوا بأمل
.......................................
.....(( ممـــدوحـــيات ))....
بقلـــم : ممـــدوح حـــنفي
...................................
ساحة النقاش