انا لما اموت .. بقلم الشاعر / محمد حسين الزين

مجلة عشـــاق الشعـــر الإلكترونية (ممدوح حنفي)

انا لما اموت .....

إبقوا إدفنونى ف قبر واسع جمب امى 
يمكن فى تعذيبى نعيمها يخف عنى

مانا طول حياتى كنت عيل وإبن امى 
وكانت حقيقى هيا ارحم بيا منى

انا لما اموت ..

إبقوا إقرأو الفاتحه وتبارك والمجادله 
وإدعولى بالرحمه فى أيامى اللى فاضله 
وإبقوا إشهدولى إنى كنت بجد طيب 
على قد ماقدر كنت شهم واحكامى عادله

انا لما اموت ....

إسمى ماتكتبوهوش على القبر ف رخامه
وماتزرعوش صبار ولاتسيبوا علامه 
وإنسوا حاجات كانت ف يوم بينى وبينكم
ومعادنا يبقى على الميزان يوم القيامه

الشاعر / محمد حسين الزين

28/2/2015