مجلة عشـــاق الشعـــر الإلكترونية (ممدوح حنفي)
___ (( مش هطلب )) ___
كلمات : محمد السعيد
***********************
مش هطلب تاني نتكلم
لو حتى كنت انا بتألم
على راحتك لو حتى عايزه
إني علي عليكي مش أسلم
******************
اتعودت الاقيكي قاسيه
وتقولي لازم تعذرني
وشايفه نفسك راسيه
وتقولي بس قدرني
******************
الحاجه مره بطلبها
وبعديها خلاص بقرر
لو ماجتش ماكونش حاببها
ولا عمرها هتتكرر
******************
وهيه لو تيجي منك
يبقى لها طعم تاني
بس عارف برضه انك
مايفرقش معاكي حرماني
*******************
مش هطلب تاني نتكلم
لو حتى كنت انا بتألم
على راحتك لو حتى عايزه
إني علي عليكي مش أسلم
***********************
ساحة النقاش