مجلة عشـــاق الشعـــر الإلكترونية (ممدوح حنفي)
بحبك بكل لسان ,,,,, أغنيه ,,,,, عامى حر ,,,, عبدالواحد محمد
أه
والله يامصرنا عاشق حواريكى
عاشق كلام الناس وكل حكا يتهم
عاشق القلوب الطيبه اللى بتهواكى
وحق ربى يابلدى القلب بيتمنى
تكونى أجمل وطن تكونى فالليل ضى
تنورى بضياكى كل اللى حواليكى
,,,,,,,,,,,,,,,,,,,,,,,,,,,,,,,,,,,,,,
أه
بلادى عروس النيل وورده أفريقيا
ياقمره وسط الليل ومنوره الدنيا
أم الأزهر والقلعه والهرم الأكبر
أثار من فرعون وكل حاكمها
لاعمرها هابت ولاعمرها خافت
عاشت صعاب ومحن ولا كان على بالها
قامت بثوره وحركت بركان وولادها بأيديهم
وسواعد رجالهم ومجد بناتها غيرو الدنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أه
بلادى حروف الأسم مصبيح وبتنور
الميم
مناره عظام بيبنو أمجادك
الصاد
صبر الولاد ليعلو مقدارك
الراء
رضينا الموت علشان بلدنا تعيش
وفرحنا بيها لما من بعد السفر عادت
جمعت حروفك لقيتها مصر أسمى الأسامى
وبغيه لكل زوارك
أه يابلدى ياسعدنا وفرحه الشهداء
الدم هاين وتبقى البسمه على بابك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أه
بلدى ياحلم الفقير فالهدمه والقمه
ياحلم عشوائى يكون ليه شقه
يادمعه الطفل اليتيم فالحضن واللمه
يادفى من برد الليل ولوعه الدنيا
صابرين على جوعنا حابين نتعرى
حابين دموع العين والبرد والصاقعه
حابين نموت وتعيشى يامصر نا لينا
كريمه منتصره حابين يسيل دمنا
وبلدنا تتهنى
أنا الفقير الجعان مستعد الموت
وتعيشى يابلدى وتنورى الدنيا
والله من قلبى ومش كلام أفاق
ومين حنافق وأنا معدوم ماليش كلمه
أنا البلد عشقى وهيه محبوبتى
واصفها أجمل بنيه وعيونها زوادى
ورسمها نيل وشطين والميه مابينهم
وأحلم وأنا نايم أنى ساكن عالنيل
بحلم وراضى الحلم وكفينى
بتمنى يجى اليوم وتتعدل الدنيا
راضين وربى نجوع ونتعرى
لكن مانرضى الأهانه من حد يحكمنا
رضيت أكون انسان بمعنى الكلمه
,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر المصرى
عبدالواحد محمد
https://www.youtube.com/watch?t=183&v=srttsF5Iq_w
ساحة النقاش