مجلة عشـــاق الشعـــر الإلكترونية (ممدوح حنفي)
(( مش بتغيب ))
بقلم / محمد السعيد
...............................
سنين بعدت عنها
ولقيت حب غيرها
وبرضه لسه فاكرها
محفور اسمها جوايا
سنين بعدت عنها
وقلبي قريب منها
ياتري لسه في تفكيرها
ولا نسيت هوايا
لسه عني مش بتغيب
رغم ان ماليش فيها نصيب
لسه بحس بقلبي غريب
وعايش اسيرها
يا قلبي قلنا لقينا حبيب
مش قادر ليه تنساها
ولا غاوي فيا تعذيب
خلتني احلم بلقاها
واللي بتهواني ذنبها ايه
عيوني لغيرها شايفه
أكيد حاسه بللي انا فيه
ومن جواها خايفه
ماضي وفات قولت نسيت
ورجعت احن تاني
بعد ما قلت خلاص حبيت
نسيت حبي في ثواني
حاجه في إيدي اسيبها ليه
وادور على شئ بعيد
ماعتش ينفع احن ليه
اللي راح مايرجع اكيد
ساحة النقاش