**وهان عليك**محمود ناصر**

مجلة عشـــاق الشعـــر الإلكترونية (ممدوح حنفي)

محمود ناصر

وهان عليك

ضناك ينام من غير عشا
والضحكه خاصمت شفته
وﻻ شافش لحظه فرفشه

وهان عليك
البرد ياكل جتته
وف حتته
الف زيه بردانين
وحلمهم
طول عمرهم
فى بطانيه ولحافين

وهان عليك
عيل ذكى
واخته بت كويسه
دايخين بقالهم كام سنه
على كرسى جوه ف مدرسه

وهان عليك
الواد يسيب كليته
يبيع كليته
لجل الرغيف
وانا وانت عاوزينه
يكون شريف
طب قللى بس
ازاى وكيف

وهان عليك
كل العيال والامهات
واقفين سوا
قدام بيبان مستشفيات
لجل الدوا
ومفيش دوا

وهان عليك
فﻻح ولقمته من فاسه
هو وناسه
وعزمه شديد
م الصبح بدرى
باع فاسه
وناسو احتاسوا
فى سماد ومبيد

وهان عليك

لوهان عليك
يبقى من حق الغﻻبه
انهم يدعوا عليك
ودعوة المظلوم مجابه
واحترس تبت يديك
"""""""""""""""""""""""""""""""""""""""""""
محمود ناصر
فى 22/10/2010