مجلة عشـــاق الشعـــر الإلكترونية (ممدوح حنفي)
الطفل فى الريف
الطفل فى الريف...ياعينى ع اللى بيشوفه
ساعة الولادة ..... بتكتر زواره وضيوفه
، تيجى ست متطوعة وتكحله فى عينه
، وست تمضغ تمرة وتحط له ف جوفه
خايفين عليه م البرد..فى عشر خرق لفوه
و خمسة وخميسة وحجاب عشان يحموه
مع حفان فول حصى من غربال سبوعه
يتحط ف كيس قماش..على صدره يدبسوه
وكمان يجيبوا ( خبرا ) من الحسد يرقوه
،وداية..تدفس صباعها فى حنكه (يحلقموه)
يعيط ..يكسروله بيضة..قال ايه ملووح !
ويقولوا فرشت ااهه.. .حرام عليكوا سيبوه
ولما يكبر ويمرض..يقولوا سيبوه دا بيسنن
وافكارست ستى من دي .. . تعل وتجنن
عادات قديمة سخيفة .....امتى نبطلها ؟!
يا جدات وحموات قاعدة فى الفتوى تتفنن
د . عبدالله منصور
استشارى طب اطفال وحديثى الولادة
ساحة النقاش