مجلة عشـــاق الشعـــر الإلكترونية (ممدوح حنفي)
الوجع اللى دخل م العصر ضلوعى
ودموعى
والام
وحاجات ملهاش اسامى
بيكتفوا يدى
عايز اقول كلمتين
قبل ما امسك قلمى
بيسقط من بين صوابعى
وصورتك قدامى
بتزعق بلدى
وشك المالوف
بيرمى شعره ف الننى
واسرح
وصوت حليم
حاضن النسيم
**عدى النهار"
والمغربية جاية
تتخفى ورا ورق الشجر
بيفوقنى
اتشال من ليالينا القمر
والليل فاتح لنا دراعاته
بنحاول نخطف من شعرك
حلم
يصبرنا
قبل ما نتمرمغ ف فدان
وحل
ما تموتش يا نشيد
مد جناحك نور
يشيل عتمة الليل
سيب شعرك بحور
يصب فى مجرى النيل
اغزل توابنا
اغزل ايامنا
مواويل
شعرك هيوعالنا
ويدفعنا للامل
مد يدك
سيب عصفورك
ابو الف جناح
يزقزق كل صباح
يغنى لبهية
وتقول
ياسين جاى
يركب الهجين
ياسين بيعشقنى
وانا باعشق ياسين
ان عدى وفات
ومين غيره يقول
مين يقول غير
عبد الرحمن
محدش يقول مات
وتقول ونقول
عبد الرحمن حى
الشاعر عبد الله الهوارى قنا قوص جرا جوس
ساحة النقاش