مجلة عشـــاق الشعـــر الإلكترونية (ممدوح حنفي)
بقلم / مبروك علوه
¤(الفن بعدك ياعندليب)¤
فى ذكراك يا حليم
راح أقول ألف أه
المغنى بعدك مبقاش مغنى
ولا هوه أيه ولا أيه معناه
المغنى بقى أي كلام
تخاريف فاضيه والسلام
الفن بعدك يا عندليب
طعمه ماسخ واسم كئيب
فى اللى غنى للخيار
واللى يغنى للحمار
واللى يغنى للعنب
وكأن الفن بقى مزمار
كان كلامك له طعم تانى
كان إحساس مع الأغانى
كنت بترسم الأمانى
وبأغانيك حبيت زمانى
لم غنيت وقولت نعم
صوت كروان بينشد نغم
وبصوت عالى تقول جبار
تهز القلب ولا الأعصار
وأم قولت حاجه غريبه
كان فعلآ فن وله هيبه
فن اليوم لو كنت شوفته
تحس فعلآ إنه مصيبه
كنت بسمع الألحان
أعيش معاك أيام زمان
كانت مليانه بشوق وحب
كان كل حرف فيها حنان
كنت فنان بجد حنون
فى ذكراك بتبكى العيون
ذكرى رحيلك أغلى ذكرى
ياساكن فى القلب والجفون
فى ذكراك يا حليم
راح أقول ألف أه
ساحة النقاش