مجلة عشـــاق الشعـــر الإلكترونية (ممدوح حنفي)
الست مراتى
--------------------------------
يللى دايما تحسدونى
من بعيد بس تشفونى
فاكرين الحور بيخدمونى
اسمعونى راح احكى اﻵتى
----------'-----------------------
انا تاهت كل اتجهاتى
ليلى ويل ونهارى بهاتى
وبصلى الصبح مع المغرب
والبيت زى الجو الشاتى
----------------------------------
داير فى الساقيه ومتغمى
ابنى البكرى بقوله ياعمى
والدور على مين يحرق دمى
كتر خيرها الست مراتى
------------------------------
عاوزه تﻻجه تشيل خروفين
غساله تنشف فى دقيقتين
بوتجاز م الغالى اتناشر عين
الفرن كبير اشعال ذاتى
-------------------------------
قالتلى وﻻ فيس وﻻ زفت
عايزه خمس باديهات للبت
علت صوتها قوم انا خفت
على الباقى منك ياحياتى
------------------------------
الواد تعبان عاوزين دكتور
وفلوس الدرس عليها الدور
فواتير الميه فاتورة النور
وساعات الحيط عاوزه ساعاتى
----------------------------
لو رايح الشغل الصبحيه
على التسريحه سيب لنا 100
عاوزه اطبخلك اكله هنيه
واتاريها عازمالى حماتى
---------------------------
شفت الشيف شربينى امبارح
طابخ بطه بلمون مالح
ومسويها بفحم كوالح
انا حعملها بمجهود ذاتى
------------------------------
الله يخرب بيت شربينى
نشف اوردتى وشرايينى
وان مادفعت حتطلع عينى
حدفع سابقانى اعتذاراتى
----------------------------------
انا مش بشكى الست الفله
دى الشكوى لغير ربى مذله
نفسى اكسر خمسين قله
يوم ما تروح عند حماتى
------------'-------------------------
من وحى الخيال هههههههههههه
محمود ناصر
ساحة النقاش