مجلة عشـــاق الشعـــر الإلكترونية (ممدوح حنفي)
نفس الشارع
وكان يا ما كان
كان فى عينينا
حلاوة بكره
والأحلام غير الأحلام
والإيد فى الإيد
أوطان
وعايشين أيام
ما احلى الأيام
نقطة وفاصل
وتتبنى ما بينا
فواصل
ويتكسر حلم الإنسان
نبعد وننسى
نغيب ونقسى
بس الشارع
يفضل شاهد
على أحلامنا
على أيامنا
على كلمة
سكتت فى مكان
ودموع راحت
ودموع جايه
ولا كانت
نفس الأحزان
عمر غريب
ونبض حبيب
ضاعت
تاهت
ندمت
ماتت
لكن الشارع
هو الشارع
بيقولنا
قاعد مستنى
يمكن بكره
يعود الحلم
يمكن يلمع
فى السما
نجم
يمكن يلمع
فى السما نجم
بقلم ابتسام عوض حسن الشاعرة المجهولة
ساحة النقاش