مجلة عشـــاق الشعـــر الإلكترونية (ممدوح حنفي)
............... أنا راحل ....................
خلاص راحل مفيش فايدة
ياديماً أسية ومعاندة
زهقت خلاص أحن لناس
بتمسك ليا ع الواحدة
هافرقك أيوة ومسافر
أشوف غيرك غرام تانى
قرار حاسم من الأخر
وداع يا أعز الحانى
أنا راحل !!!
خلاص راحل مفيش فايدة
نويت عنك أنا استغنى
صحيح ليكى كتير هاشتاق
لكنى راح أعيش أهنى
بعيد عنك فى أى مكان
ياكل الوهم والحرمان
مع الأحلام ورايا ميعاد
ف مش معقول أنا استنى
أنا راحل !!!
قرار عاجل أنا راحل
وواخد قلبى ومهاجر
يجوز طبعاً يومين أتعب
يجوز البسمة تتاخر
لكنى بعيد أكيد هاقدر
أكون أحسن واكون أفضل
لأنى بعيد هابيع عمرى
لحضن بجد يستاهل
أنا راحل !!!
# كيمو #
ساحة النقاش