مجلة عشـــاق الشعـــر الإلكترونية (ممدوح حنفي)
بالفعل صبية---الدكتور صبرى إسماعيل
*********
وقلبى ماشى بيوم سرحان --لمحتها كان إبداعى
جمالها يهتف بالألحان--وسحرها صاحى وواعى
وحسن هلّ علينا وبان--حقيقى مش رسم صناعى
*******
لفّيت بنظرى بعيد عنها----وقلت ترحم وتراعى
شعاع وطالع من عينها----بيشد كامل أوجاعى
بإشارة من عند يمينها--تقدر تفجّر لى صراعى
******
فقلت يمكن جنيّة-----أو هلوسات حلم وهيروح
لمحتها بطرف عينيّة------وقلت يمكن ليّا تبوح
أتاريها بالفِعل صبية--والنظرة منها ترد الروح
******
كأنها كتالوج منسى---وملاك مسافر فى شراعى
لاتقول شاكيرا ولانانسى-وحنان بيرسم أضلاعى
وهمسها يداعب همسى-----وطبعها زى طباعى
********
قالت ليه مكسوف منّى--رديت لأن القلب ضعيف
قالت أعينك وتعينّى--قلت لها بس بشكل شريف
صحيت من الحِلم بغنّى-وآه ياحظ على التخاريف
ساحة النقاش