مجلة عشـــاق الشعـــر الإلكترونية (ممدوح حنفي)
محمود ناصر
بس اتلهى
هو انت فاكر ان الموت
عنك سهى
وانك مخلد للابد
عمرك ﻻيمكن ينتهى
متفتكرش ان انت اقوى
من اللى شيد الهرم
وللا انت عند ربنا
اعز من بانى الحرم
ﻻزم تموت يابن الحﻻل
ﻻبد حتزول اﻻمم
واكيد اكيد راح ييجى يوم
كل الخﻻيق تنتهى
بس اتلهى
بس اتلهى يا مفترى
عمرك خﻻص وللا وجرى
فيه حد يفطر كل يوم
بخمسه كيلو جمبرى
وناس محتاجه لقمه حاف
وانت بترمى العيش طرى
الكل يتمنى الحﻻل
وانت الحرام بتشتهى
بس اتلهى
فى حد يشمت فى العليل
اكمنه مش ﻻقى الدوا
ويرد ايد سائل ذليل
من السؤال قلبه انكوى
البرد واكل جتته
اماراته ظاهره ف وجهه
بس اتلهى
بقيت بتعشق للفلوس
بقيت على احبابك تدوس
عيشتك حرام
عيشتك ضﻻم
مينورهاش وﻻ ميت فانوس
لله اﻻمر ينتهى
بس اتلهى
لو انت ناسى افكرك
انا لسه فاكر منظرك
كل الصحاب كات تشترك
ويجمعوا من بعضهم
لعدس عندك ينطهى
بس اتلهى
اعرف حقيقتك ياجدع
ياما اقوى منك اتخدع
ولما يوم حس بوجع
صابه الندم على دنيته
وفاق خﻻص من غفلته
ملحقش يرجع او يتوب
عمره خﻻص كان منتهى
بس اتلهى
--------''''---------------'''''-------------
محمود ناصر
ساحة النقاش