مجلة عشـــاق الشعـــر الإلكترونية (ممدوح حنفي)
الأمــل مابـيـنـتـهـيــش ...
***
من كلمات
**
الطبيب الشاعر المصرى/ د.محمد رزق
*
*
اسـنِـدى راسِــك بكِـتفى واحضُـنـينى وماتـناميش
فَـتـَّـحى عِـينِـك على الحلم المِـلالى
فى الليالى وماتخافـيــش
بُـكرة لازم يـيجى تانى ، بالأمانى
والـدَفا حَـيعـود لقـلـبك من حنانى
والأمل فى الحب باقى ، وبالتـلاقى مايـنـتـهـيــش
*
عمرنا أحلام كتير وَيَّــا الســــعادة
والأمل بـيْـبان كبير ويـزيد زيــادة
والقمر حَ يـبان بـنـــــوره ،
والهنا حَـيـزيد ســــروره ،
والليالى بتنادينا ، تحضن الخير اللى فينا
والشتا فَـتـَّـح ربيعُه ، واحنا بالأشواق دِفـينا
ضُمِّى إيدِك جـوَّا إيدى ياحبيبى وماتـسـيـبيــش
دا الأمل فى الحب باقى ، وبالتلاقِى مايـنـتهـيــش
*
ماأجمل الأمل حين يفتح لنا آفاق الحياة السعيدة
مع القلوب العامرة بالمحبة والخير ..
فقط أحبوا من أجل الحب والسلام ، تجدون السعادة .
*
أحبكم جميعاً ياأجمل الأصدقاء ...
الطبيب الشاعر المصرى/ د.محمد رزق
*
ساحة النقاش