مين ملهمك؟......بقلم الدكتور/ صبرى إسماعيل

مجلة عشـــاق الشعـــر الإلكترونية ... ممـدوح حـنفي
مين ملهمك؟-شعر دكتور صبرى إسماعيل
******
سألونى مين مُلهِمَك؟
ردّيت و قلت امّى
رَِبتنى من عطفِها وحَفظتها ف دمّى
إنْ قلت آاه تِرتعد ماهى أصلها أمّى
****
قالو ومين بَعدها؟
قلت الأب وحَنانه
وسنين محضّن قوى وواهِبنا وجِدانه
وف خيره عيشنا سوا زهور فى بُستانه
****
قالو ومين؟ رَدّيت
صبيّة من حُسنها ساكنة عروق دمّى
خَدنى حنان قلبِِها دايماً تِشيل همّى
حورية فى سِحرها وف عطفها أمّى
****
قالو ومين بعدهم؟
قلت الوطن والنيل
وبحر ناثر فى بلدى الفُلّ والأكاليل
وولد صغيّر قوى بيعشق المواوويل
*****
قالو ومين بعدهم؟
قلت قُدسى الحزينة
وسور بيفصل ولادها عن شمس المدينة
وغصن زَيْتون رويته بدِمانا فى سينا
****
قالو ومين بعدهم؟
قلت البِحُور والدم
تِسيل وتجرىبالأسى والهمّ
بين الحبايب ألم والصرخة ماتتلمّ
****
قالو ومين بعدهم؟
قلت اللى باعو ضمير
ودمّروا فى الوطن برضه بدون تفسير
والجهل سار بالدجل فى غابة التدمير
****
قالو ومين بعدهم؟
قلت بنى صهيون
وجيش كبير الأعادى
وهجمته المجنون
وظُلم بيّن لِنا لكن فى يوم هيكون
إعصار يزيل حُصنهم بإذن رب الكون

مجلة عشـــاق الشعـــر الإلكترونية ... ممـدوح حـنفي