مجلة عشـاق الشعـر الإلكترونية .. ممـدوح حـنفي
لِيلِك طَال
~~~~~~
نِفسِي أَفهم مُش عَارِف
عَالحَق بَدَوَر مُش شَايف
بَحرِك عَمِيق مُوجهُ جَارِف
لِيلِك طَال وَانا خَايف
أكَاذِيب البَاطِل تتآلِف
قَمَرِك غَاب صَبَح تَالِف
ضَيِك سَرَاب نُورهُ زَايِف
الكُون ضَبَاب وانَا خَايِف
خَفَافِيش اللِيل تِتحَالِف
على هِبة النِيل تِتكاثف
تِجرِي كَمَا السِيل الجَارِف
كُل أصِل جَمِل تِنَاسِف
يَا بَلد السَد أنَا آَسِف
هَقُولهَا بِجَد و مُش خَايِف
فِكِي الحقائق تِتزَايِف
حَرَسِك عَوِيل صَبح تَالِف
فِين إلِي كَان بالمُوت حَالِف
تِعُود شَمسِك فى كُل مَكَان
تِظهِر حَقايقك مِنْ البَاطِل وتبَان
تُنِير وُجُوه الوَرد على الأغصَان
حَالِم بِأَرضِك أَجمل بُستَان
نِفسِي فى نُور الحقِقه
يِكُون للعِين عَيَان
آخِر كِلمة فى دقِقة
يَا بلدِي كَفَانَا بُهتَان
بقلم / جمال غربية
ساحة النقاش