مجلة عشاق الشعر الالكترونيه .. ممدوح حنفي

يا الله أخـيراً .. حـــلمـــت بيهـــا
من مده بدعـى أحـــلـــم بيهـــا 
أعـــز حبيبه .. حـــلمـــت بيهـــا 
رؤية غـريبة .. وحشانى عينيها
حلمت إني .. ببـــوس إيــديهــا
دخلت الجنة وبــوست رجليهــا
سندنى طيفها حستنى صاحى
دفـــا كفـــوفهـا نـــــور صبـــاحى
مسـح دموعى طبطب نـــواحى
ردت روحـــــى ضحكة أفـــراحى 
بـوست راسهـا باست كفــوفى
طمنت قـــلبى بـددت خـــــوفى
حكتلى إنهــا .. عايشه ظروفى
قارية شعرى .. حـاسه حروفى
لحضنهــا حنيت جريت واترميت
دوبت فى حنانها شكيت بكيت
ضمتهـــا دايب مشتاق إرتـويت
فوئت .. فتحـــت عـينى صحيت
دورت صـــرخت أمـــى مـالقيت
بكيت وياريـت مـاصحيت ياريـت