مجلة عشاق الشعر الالكترونيه .. ممدوح حنفي
{ترابك يابلدي}
ترابك يابلدي انا بعشقه.
علمك ف كل مكان هرفعه.
إسمك بكل لسان هنطقه.
إنتي أمي.
انا ال واقف ع الحدود.
بحمي بلدي م اليهود.
وبتخطا كل السدود.
لو بدمي.
إسمك كاتبو ع جبيني.
قبل ماتنادي هتلاقيني.
أحمي ووطني واحمي ديني.
ودا كل همي.
لو هموت دا يبقا عادي.
كلو يهون عشانك يابلادي.
بكره يحموكي ولادي.
وصية أمي.
عيشي حره ومستقله.
ولادك كتير مش قله.
مش هنرضي بالمذله.
لأي حد.
هنحمي أرضك وسماكي.
العمر يروح كلو فداكي.
عمرنا أبدا ما هننساكي.
وحقك هيترد.
وحيات حضنك زمان لينا.
ع الغالي كنتي بتربينا.
وبحق ال ماتو ف سينا.
هنحميكي بجد.
مش هنخاف ودا زي العاده.
يا إما النصره يا إما الشهاده.
عندنا قوة عزيمه وإراده.
ودعوة إمي ع السجاده.
ودموعها ال ع الخد.
بحق ما حاميكي الرحمن.
ووصية نبينا العدنان.
وإسمك ال ف القرأن.
لنتخطا أي سد
راحت أيام ذلنا وخضوعنا.
مش هيشوفو تاني دموعنا.
إنتي ناديتي وبقلبنا سمعنا.
حقك لازم يترد.
إسألي عنا رمال الصحره.
وإسألي كل اليهود الكفره.
نصر أكتوبر أكبري ذكري.
وخط بارليف ال اتهد.
بحبك يابلدي مكملين.
رغم الصعاب متحملين.
إنتي ليكي غيرنا مين.
مش هنسيبك تحتاجي لحد.
#تحيا_مصر
#الشاعراحمدمحمد
ساحة النقاش