مجلة عشاق الشعر الالكترونيه .. ممدوح حنفي
يا مصر ليه البعاد
فوق الجبين مكتوب
أحنا طوعنا الهوي
ولا الهوي مغلوب
فوق الجبين الفقر
مرسوم بمية لون
ظلمك أنا يا مصر
ولا أنا اللي مظلوم
نفسي أجبلك حرير
وأشغلك العقدان
وقعدك في قصر
ويخدمك خدام
وأمسح بأيدي دمعتك
في قسوة الايام
وأقف علي بابك حرس
أحميكي من الأعداء
يا مصر يا أمنا
أبنك فقير وجعان
اديله حنيتك
نسيه قسوتك
وأسألي حضرتك
ليه بقي جبان؟؟
الفقر بقي دايم
والفرح شئ معدوم
ومنين نجيب الفرح
من جوه جبانة
يابلادنا بقي كفاية
ظلم وأهانة
عايزين نعيش في أمان
حرية وعدالة
عايزين نلاقي الرغيف
نظيف
ونكله بكرامة
أزاي همشي وأسيبك
وأنتي تعبانة
لازم يطيب جرحك
وتقومي بسلامة
وبعدها يا مصر
شكرا كده كفاية
أحمد فرج حمامة
ساحة النقاش