مجلة عشاق الشعر الالكترونيه .. ممدوح حنفي
غدر الصديق
................
في ليله غير كل الليالي
شفت صاحبي حد تاني
حد موهوب في الخيانه
ضيع العشره ف ثواني
................
الخيانه طبع فيه
قميص ومتفصل عليه
شئ بيجري جوه دمه
بس متداري ف عنيه
.....................
لما أسلم سري ليه
لما أكون بخاف عليه
وهو بيخون الامانه
يبقا حبي خساره فيه
.................
قالوا زمان أهل زمان
الصديق قبل الطريق
هو صمامك للأمان
هو طوقك في الغريق
إياك تصاحب يوم جبان
اليوم معاك بكره عليك
.......................
كان نفسي صاحبي يكون كده
سلاحي في وش العِدّه
بس الحقيقه غير كده
هو أساس المشكله
.......................
إنسان مايعرفش البراءه
خسيس ومعندوش جراءه
اللي يخون صاحبه في مره
ملعون وخاين للصداقه
.....................
بقلم / عصام دويدار
ساحة النقاش