**مين بيفارق مين **من كلمات : ‫#‏سمراحمدجمال‬**

مجلة عشاق الشعر الالكترونيه .. ممدوح حنفي

ِشخابيطى

مين بيفارق مين
...........................

الفكره اساسا صدقنـــــــى ........... مش فكره مين بيفارق مين
الفكره ان انا ديما جنبـــــــك ........... و بحسنا فعلا متفارقيــــــن
مهما تحـــــــاول تنكر اصـــلا .......... انا و انت و بعدنا متفقيــــــن
....................
بطـــــــل تتحجج و تقولــــــى............انك ديما مشغول بحاجات
و انك نفسك تبقى معايــــــا ...........و بتحلم بيا كمان اوقـــــات
خليك واضح و افهم حاجــــــه .......... الحب ما بينا اساسا مات
...................
الحب ان كان موجود بينـــــــا ..........كان رغم الدنيـــــا هيجمعنا
كان خلى الافراح فقلوبنـــــــا .......... كان خلى حياتنا بقت جنه
كات عمر الاشواق ما تسيبنا .........وان مـــــــره بعدنا ترجعنــــا
..................
و انا فاهمه كويس ايه تعبك ..........و معلم جامد كدا جـــــــــواك
كان نفسك ان انت تسيبنى ..........احسن من انى اكون سيباك
فارق وياك مين سايب مين ...........اما انا اصلا مش فارقه معـاك
..................
و الفكره اساسا صدقنى ................مش فكره مين بيفارق مين
و لا مين فينا بدا الاول .................و لا مين هيخلى التانى حزين
الفكره ان احنا اتقسمنا .................و بقينا خلاص انا و انت اتنين
و بقينا خلاص انا و انت ................. اتنيـــــــــــــــــــــــــــــــــــن

من كلماتى : ‫#‏سمراحمدجمال‬