<!--
<!--<!--[if gte mso 10]> <style> /* Style Definitions */ table.MsoNormalTable {mso-style-name:"جدول عادي"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]-->
حاكموه
ــ الأزرق طرح سواد
واللوتس كساه ال من
والأجنة فى البطون صرخت
ووش الملايكة
للأسف بقى كالح
والنهر زفر
وسلسبيله بقى مالح
ف بلاش تطلبوا من المطحون
إنه يعفو
وإنه يت سامح !!
ــ دا أنا شفت الحزن نهر
بيحفر المجرى فى الوشوش
وأنا اللى عضمى الناشف
إتكسر من شيل النعوش
وانا اللى ملكنى العجز
لما حاصرتنى
كسرة قلوب الامهات وانا اللى كنت باصغر
وباستخبّا جوّه نفسى
من وقفة بناتنا فى الإشارات
وانا اللى روحى
بقيت أصفى فى المعتقل
وانا اللى شكوتى
زلزلت هبل
وانا اللى نسيت العيد
وكحيت صديد
وجربت لسانى على 300لهجة
عشان أنول الستر
مش الغنا
ولا البهجة
وانا اللى ارتضيت أكون زيبق
يلعب بالبدن
ويلعب
بالملامح
فى عز ما أنت
كنت بتقص من قوتى
وتكتم بظلمك صوتى
وتقربنى من موتى
وتحاصرنى بالخنقة
وتسيب كلابك ترقص على بدنى
رقصة التانجو
ف أزاى
عايزنى بعد دا كله
أعفو
وازاى عايز
من حرايق غضبى
يا ظالم
تنجو ؟ّّ!!!!!
ــ هانشوف فى الوش انكسار
وفى العيون دمعه
هايحن قلبى الطيب
وهاضربه بالجزمة
وأقول له :
مش هوّدا
اللى لا رحم بكا الأمهات
ولا صان عهد
ولا زمة ؟!
مش هوّدا
اللى بعتر كرامتنا فى البلاد
شعب مالوش لازمة ؟!
مش هوّدا
اللى سرطنا
وضحك ؟!
وجوعنا
وعمل حرك !؟
وهانا
وقال الجمل برك
وخلانا نكاكى زى الوزة ؟!
مش هوّ دا
اللى خلانا للاسف
م
زّ
ة ؟!!
ــ دا الدودة
لو ما إتحرقتش
تعمل مليون دودة
وخلية السرطان
لو ما اتشالتش
تخلى البلد مهدودة
وتخلى ربيعنا شتا
والفرح
عدودة
ف حاكموه
قبل ما بلد العدالة
يتملى حرامية
وحاكموه
قبل مابلاد القمر
تبقى بلاد سودة ..
( نشرت فى جريدة الشروق بتاريخ 10ــ6ــ2011 )
عادى ياشادى
ــ الضحكة بقت نادرة
والخنقة أعتيادى
عادى
ياشادى
عادى!!
ــ البلد مية دويقة
والدويقة ألف قطة
تنونو فى العصارى
تزوّد احساسى بانكسارى
تطلع ببطن مصفوطة
وحزن أعتيادى
وترجع كافرة بالابيض
وكافرة بالاسود
ومؤمنة بس
باللون الرمادى
وبان صندوق الذبالة
هوّ همزة الوصل الوحيدة
بين الدويقة
والمعادى
عادى ياشادى
عادى !!!
ــ اللى دمّه روى الارض
عشان مايجيب نهار
واللى غناه
كسرقيود اتوحدت بالعضم
وزال المرار
اللى مات
وهو راضى
واللى رجّع الضحكة
لشفايف المكسورين فى الوادى
قال ايه يهتكوا عرضه
وينزعوا أرضه
ويوزّعوا النياشين على القتلة
فى الميادين
وفى النوادى
عادى ياشادى
عادى !!!
ــ الحكمة اتبخرت
وبقينا أعمى ف سوق
والخوف
والعتمة
حاوطونا زى الطوق
والتعالب اللى عاشت مستحلية نومة الجحور
قال ايه
همّا اللى هدوا السور
وجاية عشان تسوق
وتأدى دورها الريادى
دورها القيادى
عادى
ياشادى
عادى !!
ــ بلاد البحرين
والفوسفات
والنهر
بلاد الاثار
اللى شايلة مفاتيح الدهر
بلاد القطن
والقناة
بلاد الفجر اللى طالع من كل شبر
بلاد الصبر
بلاد الوشوش اللى عاشقة الحياة
بلاد الدهب
والعجب
ومخازن الغلال
قال ايه :
ناسها تعيش فى صفيح
ويسرّّحوا العيال
والبنات اللذاذ
بلاد البترول
والغاز
تسيب الصعيد للحطب
والوقيد
وتدّى كريمتها للخونة
والاعادى
عادى يا شادى
عادى !!
ــ أخويا
وسندى
وضهرى
وعمادى
يطلب الحماية
ــ ياألف خسارة ــ
من الأعادى
عادى
يا شادى
عادى !!
ــ الثورة مشروخة
والعملية مطبوخة
وقصبة العدل مايلة
وملوحة
وماشية على عكاكيز
والبعدا العواجيز
اللى من كتر الخضوع
اتصابوا بخيبة
واتصابوا بدوخة
دلوقتى بقوا ثوار
وانا بسأل الاحرار
ليه الثورة العفية
تركبها حكومة
مصابة بشيخوخة ؟!
لا رجّعت فلوس
ولا منعت كابوس
وسايبة الحال كماهو
وبتستلف ذل
وعار من الاعادى
عادى
يا شادى
عادى !!
ــ نزرع بكرة أحلام
نلقى بكرة باهت
وفاضى
نبقا ثورة سلام
نلقى مستقبلنا جاى لابس عباية الماضى
عادى ياشادى
عادى!!
ــ البنادق فى الأيادى
عادى !!
ــ البلطجة مبيد إترش
بطول
وعرض الوادى
عادى !!
ــ اللى خربوها فى الأول
لسه عايشين
حالة التمادى
عادى !!
ــ الثوار فى وادى
وحكومة العواجيز فى وادى
عادى !!
ــ الكسوف من اللى خلوّا الفساد
توب أسود
بيأخر الفجرعن طلوعه
فوق بلادى
عادى
عادى
عادى
عادى يا شادى !!
أنا مش فاهم حاجة
ــ أنا مش فاهم حاجة
حد يقولى فيه أيه؟
دى ثورة
ولّامناورة
ولّاجرالنا أيه؟
ــ أنا مش فاهم حاجة
ودماغى الظاهر لسعت
كل ما أقول أهى نجحت
ألقاها وقعت
وقعت
ــ ماهو حسنى
لساه فى الشرم
زى ماهوّهناك
وسونة لسه ف مدريد
بيشرب
ويسكى
وكنياك
وعز
ورجالته
والخلق ولاد ال أيه
عايشين طايحين براحتهم
وبيحضروا حفلات سواريه!!
وان قلت فين العدل؟
يقولولى :
بتقول ايه ؟
أنا مش فاهم حاجة
حد يقولى فيه ايه
ــ شهر
وشهر
عدّوا دهر
واحنا غلابة
بندفع فى المهر
نعمل فى لجان
ونقاوم فى القهر
ولما نقول :
فين الأهداف
وفين الأنصاف
يقولى ديل الحزب :
أنت مستعجل ليه ؟
أنا مش فاهم حاجة
حديقولى فيه ايه ؟
ــ الشرطة كانت بتضرب
الشعب ع القفا
دلوقتى الشعب بيضرب
والأمن أختفى
وسؤالى اللى غايظنى
اللى قتل الشهدا
ما أتحاكمش ليه ؟
أنا مش فاهم حاجة
حد يقولى فيه ايه ؟
ــ اللى خلعه الشعب
عايزينه نقوله ياسابق
يعنى دا معناه
ان الثورة بح
وان الشعب سوابق
وأنه هوّببساطة
اللى زهق منا
وقال لنا : اخييييييييييه؟
انا مش فاهم حاجة
حد يقولى فيه ايه ؟
ــ اللى كان دلدول
للوحش
وللغول
واللى عاش يعرّص
ويحوّش
ويكرّش
واللى عمره ما أتكلم
عن ظلم
وعن تعب
جاى دلوقتى يقول
انه شاعر غضب
وزى البنت ال ...
بيبرّق بعينيه
أنا مش فاهم حاجة
حد يقولى فيه أيه ؟
الترنج الأبيض
ــ خشــــن خيوطـــــك يامعلّم
وأغزلى خيط بس معضعض ..
فيه وبر
على شوك
على صوف
بس صوف (م) اللى يكهرب ..
وخيّط
ووسّع فى الشّكة ..
خيّط
وعرّض فى التكّة..
دى أمانة مش رايحة مكة..
دى رايحة للى سرقوها جملة
مش قطّاعى
ولا فكة..
خيّط
وخلّى الخيط أعوج
وجهّز ترنج من الأبيض !!
ــ وعلى طرف السرير الميرى
حطّه
دا هايلبسه شيرى
وقوله :
تعال دوق المر
اللى سقيته لىّ سنين
واللى سقيته برضه لغيرى
وتعال خش كده ياباشا
خش ويّا الحشاشة
خش يا أبو أيد قفّاشة
خش يابو خد ملعّلط
ووش مورّد
يابو الترنج
ياحلو
يا أبيض !!
ــ يابانى قصورك (ع) المرجان
يابو حمامات شغالة بزراير
يابو مكن للمية الصفرا
وكاس دهب داير داير
خش ع الريحة الزفرة
على وشوش مجرمة كافرة
على الجركن يابو جاكوزى
على العرق
والريحة الزفت
على الجراية
وعلى اللفت
يابو الفطار جاى من ساركوزى
سخن وكمان على الموضة
خش على العشرة ف اوضه
ياللى شعرك كله شاب
وكل يوم مع بنت شباب
وكل ليلة مع مزّة
عجوز
وبتموت فى اللذة
واحنا بنقتل بعضينا
على أوضة ف قبر
طب خش يالله على العنبر
ولو كنت راجل
خدلك شبر
وورينا أزاى
هاتعيش فى طرة
من غير ما يسحبوا منك الاندر
يابو الترنج الحلو الأبيض !!
ــ صغّرتها
وهى كبيرة
وكسرتها
واستخصرت جبيرة
وسرقتها
وسبت الشعب
عشرين يناموا على حصيرة
والمية تجيلك بالطيارة
عشان برصين
وعشان فارة
بعتنا ليه بخسارة ؟
وليه خليت شعبك م الرعب
يكلم نفسه زى المجنون
طب خش ياحبيبى الكراكون
واتهنا بالطبخة السودة
وسبرس
وخمس فى سيجارة
واستنا بقا كل أول شهر
على بال ما العرسة تيجى بزيارة
وتجيبلك عيش على حلاوة
عشان قفاك مايبقا أعرض
يابو الترنج ياحلو يا أبيض!!
ــ وياريت تجيب لك ويّاها
اللى عشانهم خنت العهد
وبعت بلادك بالحتة
وسرطنت الورد
ودوخت الشعب
وبهدلته
وشويت حتى الجثث فى اللحد
ف خش يا معلم (ع) السجن
وعد اللى باقى من عمرك
وركّزفى العد
وخليك خشن والنبى يا ضنايا
وخليك أنشف
وخليك أجمد
لأحسن المساجين مجانين
يقلعوك الترنج الأبيض
وتلاقى نفسك بقيت حمدية
بدال ماأنت كنت ..........
ياابو الترنج
يا حلو
يا أبيض
خطوة
ياااااااااااه
القلب فارد الجناحات
وطاير من الفرحة ..
ياااااااااه
العالم فتح خشمه (ع) الاخر
وبص بدهشة للخطوة ..
يااااااااه
خطوتى بتجر العالم وراها
والعالم بيرقص
على دقة الخطوة ..
يااااااااااااه
لو نصبر شوية
ونشبك الأيد فى الأيد
هايطرح حلمنا عناقيد
والخطوة راح تكون
حنجلة للكون
وراح تكون دبكة ..
ولادة
الأكشاك
سادة الطريق
والأرصفة متكســـرة !!
والقيود
على روحنا تقلت
والحروف (ع) اللسان
كلها متبـعتــــــــــــرة !!
والفرق اللى مابين
ناس بتاكل حلف
وناس بتلعب جولف
خلى القلوب متحسرة !!
لكن إحساسى البسيط جوّاى
قالى : الفجرجاى
والولادة فى الميدان
هاتكون طبيعى
رغم العناد
اللى خلّى حالة الولادة
تبان لنا
وكأنها متعثرة !!!
text-align: center;
