ديوان الترنج الابيض

صدر ديوان الترنج الابيض للشاعر الكبير ماهر مهران 

إنما يا صاحبى

ثورتنا عدودة

وطوفان

ما(ع) يحبش يمشى فوق الخط ..

ثورتنا قبلى

جنون

ومليون خط ..

ومليون حريق

ونار (ع) تغلى جوّه أبريق

وصبر من الجملى

لو ثار يدعك الخلق

ويتفرط على الجميع حملى

مش أقف فى الميدان

والسلام

لا

أنا ثورتى

مش هتاف

على حبة كلام

يتقالوا على الشاشة..

أنا طول عمرى

عصايتى بندقية رشاشة..

وكلمة زى السيف

مش كلمة مايعة

ولا كلمة غشاشة..