بنات على النت

 

خالد السيد علي

 

 

نانسي فتاة رائعة الجمال فقيرة.. تصطاد من على النت عريس تلعب على مشاعره ترتبط به ثم تشعل المشاجرات وتجعله يفسخ الخطبة وتستولي على الشبكة، وهلم جرا هي ودعاء أختها إلى أن تقع في عشق شاب، وتود الاستمرار معه إلا أن أمها تقف عقبه أمامها وتدفعها إلى عدم التخلي عن لعبة اصطياد العرسان حتى الثراء وإلا فضحت أمرها أمام هذا الحبيب..!! نهاية بلا حل ليفكر القارئ ترى ماذا تفعل الفتاة بعد أن تاجرت بجمالها وكسبت ثم وقعت في فخ العشق.؟

مجتزأ من السيناريو1:

حازم

مالك يانانسى هو انا كل ما اجبلك سيرة الفرح تقلقى وتتوترى كده..

نانسى

انا ..

حازم

امال انا ..

ياستى ماتخافيش علقه تفوت ولا حد يموت..

 

ها.. تحبى امتى بقى نعمل الفرح؟

نانسى

 

انت مش عارف ان ماما  شارطه ان مافيش فرح وجواز غير بعد ست شهور على الاقل من الخطوبة ؟

قطع

مجتزأ من السيناريو2:

دعاء

ادينى جيت خير ان شاء الله ..

عمر

عايز اعرف ايه اللى قلبك مره واحده بقالك اسبوعين لا باعرف اشوفك ولا اكلمك ولو اتقابلنا لازم ندب خناقه ..  انت ناسيه ان كلها شهر وحنتجوز..

دعاء

مش باين لنا جواز ..

عمر

ليه بقى ياست هانم انا جاهز من ساعة ماخطبتك ووالدتك عارفه كده .. لكن انا مش عارف سر تأجيل الجواز ايه ؟

دعاء

ماما عايزانا نعرف بعض انا وانت كويس قوى عشان نفهم بعض وكل واحد يعرف طبع التانى.. لكن للاسف كل واحد فينا مش عارف يفهم التانى ..

عمر

والله الكلام ده تقوليه لنفسك مش ليا.. انا فاهمك قوى.. انت عايزه واحد يسيبلك الحبل على الغارب..

دعاء

بس ماباعملش حاجه غلط..

عمر

كل تصرفاتك غلط فى غلط..

دعاء

بقولك ايه ياعمر لو عايز نستمر مع بعض ماتحولش تتدخل فى خصوصياتى طالما ماباعملش حاجه غلط ..

عمر

وهو انت لما تقعدى تهزرى مع واحد غريب بالمياعه اللى انا شوفتها وانت مخطوبه مايبقاش غلط ..

دعاء

عن اذنك انا دماغى صدعت ..

قطع

 

 

مع خالص تحياتنا

فريق العمل

مدونة منصة المؤلف

المصدر: المؤلف
khaledelsyedaly

منصة المؤلف الإليكترونية

  • Currently 0/5 Stars.
  • 1 2 3 4 5
0 تصويتات / 24 مشاهدة

خالد السيد علي

khaledelsyedaly
أعزائي وأحبائي قراء، ومحبي الكاتب والسيناريست الكبير خالد السيد علي .. هذا هو الموقع الأول على بوابة كنانة أونلاين(منصة المؤلف الإلكترونية طائر السعادة للنشر المجاني) ويسعدنا ان نتواصل معكم في عالم المعرفة.. كي نتعلم معًا ونزداد نور على نور..نحن فريق عمل متطوع لهذا الموقع .. هذه دعوة لأحباء الكاتب للمشاركات.. »

ابحث

تسجيل الدخول

عدد زيارات الموقع

7,262