مَبْرُوك يَا مَصْر

ـــــــــــــــــــــــــــــــــــــــــ

يَا مَصْر يَا بَلَد الانْتِصَارَات

وِكُل يُوم مِن نَّصْر لِنَصْر

مَرْفُوعَه رَاسِك بِالبُطُولاَت

يَا اللي سَابْقَه كُل عَصْر

مَافِيش فِي تَارِيخِك أبَداً مُحَال

أولاَدِك أُسُود جِدْعَان رِجَال

اِتْحَدُّوا الصَّعْب هَدُّوا الجِبَال

وِانْتِي القَوِيَّه وَالله يَا مَصْر

وِعَمَلْهَا وَالله الكَابْتِن صَلاَح

رَايْحِين لِرُوسْيَا بِتَأْشِيرِة نَجَاح

وِالكُنْغُو طَالْبَه مِنَّا السَّمَاح

مَا انْتِي الأمِيرَه وِشْعَارْنَا نِسْر

طَاير لِفُوق وِسْطِ النُّجُوم

بِيقُول لِمِسِّي يَللا قُوم

الكَاس دًه لِينَا هَيبْقَى دُوم

لِلمُسْتَدِيرَه صَنَعْنَا جِسْر

فِي الكُورَه اِحْنَا ذُوق وِفَن

وَلاَ حَد مَعَانَا يقْدَر يِوِن

وَآدِي حِجَازِي تِقُولْشِ جِن

وِأمِير زَمَانُه سَاكِن فِي قَصْر

دَه جِيل بُطُولَه وتَارِيخ كِبِير

اِدُّوا كِتِير لِمِصْر خِير

حُب وعَزِيمَه وِقُوِّة ضَمِير

وِالعُسْر لاَزِم بَعْدُه يُسْر

وِلاَدِي هَتَفُوا اللهُ أكْبَر

الحِلْم كِبِير وِالفَرْحَه سُكَّر

الكُل بَارِك وِتَارِيخْنَا سَطَّر

مِلْيُون مَبْرُوك لِيكِي يَا مَصْر

ـــــــــــــــــــــــــــــــــــــــــــ

كلمات الشاعر أحمـد شاهين

----- مصر - أسيوط -----