الحِلْم ضَاع

ــــــــــــــــــــــــــــــــــــــــ

الحِلْم ضَاع مَا الحِلْو بَــــاع

عِشْنَا يُومِين وِسْنِين ضَيَاع

مَاعَدْش لِينَا غِير الوَجَـع

مَاعَدْش بِينَّا غِير الوَدَاع

هُمَّا اللي خَانُوا يَا زَمَـن

وَاشْكِي لِمِين جَرْح وألَم

لَمَّا الحَبَـايب اتْغَــــرَّبُوا

بَاعُوا القُلُوب نِسْيُوا السَّكَن

اِحْنَا اللي عِشْنَــا مُخْلِصِين

إدِّينَا كِتِير حُب وحَنِين

خَدْنَا خِدَاع وَيَّاه جِرَاح

بَقِينَــا نِعْتِب عَ السِّنِين

يَا قلُوب مِسَــافْرَه فِي الجِرَاح

اِنْسِي اللي كَان مَا الحُب رَاح

وِنْجِيب مِن اين لَحْظِة سَمَاح

وِهَنِعْتِب اِحْنَــا عَ القُلُوب

وَلاَّ عَلَى الحُـب اللي رَاح

طَاير بَطِير مَكْسُور جِنَاح

جَرَّبْت اطِير بَعْـد الخِدَاع

القَلْب مَـات وِالكُون بَرَاح

حَبِّيت أحَلَّــق فِي السَّمَـا

نَزِّلْنِي فِي الوَحْل الجِنَاح

فَاكْرُه مُخْلِص يَا هَوَى

طِرْت لِعَنْدُه فِي الهَـوَا

فَكَّرْت نَفْسِي فِي السَّمَا

أتَارِينِي طَاير مِن غِير جِنَاح

ـــــــــــــــــــــــــــــــــــــــــــ

كلمات الشاعر أحمد شاهين

----- مصر - أسيوط -----