خالص التعازى لنا جميعا ولأسر شهداء مصر الأبطال
خلصت ياابنى خلاص تعليم
وصبحت راجل ملو العين
واليوم هتمشى تروح ع الجيش
بتقولى خايف ماتشوفنيش
وتموت شهيد وتحصل اخوك
بتقولى نفسك ماتفوتنيش
ماتخافش ياابنى الدنيا امان
روح احمى امك والاوطان
نوصل ياولدى لبر امان
ماتقولش يابا وذنبك ايه
تخسر ضناك ماتدارى عليه
وأما انت تقعد جنبى كمان
يرضيك يقولو ان ابنى جبان ماتخافش يابنى الدنيا امان
ياعقول ملاها الجهل وبان
مين قال يجوز قتل الانسان
مسلم بيسجد للرحمن
يوم القيامه ملكش مكان
الا الجحيم وعليك سجان
اما الشهيد هيخش جنان
ما تخافيش يابنى الدنيا امان
وشيوخ بلدنا تقولك ليه
بتفجر ابنى المسلم ليه
طب هو بس عملك ايه
دا بيحمى عرضك والاوطان
ولا انت مش زينا انسان
ولا اتصرعت وراكبك جان
ماتخافش ياابنى الدنيا امان
الشاعر أحمد النجدى
مصر
