فاهم عارف بس بسكت
ليه اشغل نفسى واتوتر
هيفيد بأيه لو اتكلمت
مالوش لزوم انى اكتر
بقدم خطوه بشطاره
وارجع خطوه بجداره
مش يائس وانا اسف
ماليش فى اللعبه
يا خساره
بخلى الوهم يصاحبنى
ينسينى شويه خوف
بصبر نفسى بالخدعه
وروايه راجعه
ناقصها حروف
اجيب الكلمه ارجعها
وارجع تانى انزعها
مش راكبه
ولا حابكه
الحقيقه رافضه تسمعها
احط معنى فوق معنى
تيجى الصوره معكوسه
كل اما اجى اعدلها
تطلع فكره منحوسه
بقيت اقاوح
وافضل سارح
ولا إنجاز لقيته طارح
الوقت يهرب يجيب بكره
وتموت معلومه مع فكره
انا الغلطان ليه اهتم
لازم انسا ده شغل رخيص
هحط غيامه على عقلى
وهتقمص فكر التهليس
#بقلم:شيماء الدالى#
