يا قلبى دارى الوجع
خبى وما تبينش
طول عمرى عارفك جدع
أجمد ما تستسلمش
ايه يعنى لما خدع
باعك و راح مارجعش
**
عارفك بتتألم
والجرح فيك علم
والأأأأأأهـ هتتكلم
من الخداع والغش
نفسى يا قلبى الاقيك
رامى الهموم بإيديك
للناس يقولوا عليك
ضعيف وما استحملش
**
كان لما يلاقينا
يجرى لنا ويجينا
يهمس يقول لينا
ع البعد انا مقدرش
**
دلوقت يقابلنا
ويكون قريب منا
وعينيه تيجى فى عينا
يسكت ما يتكلمش
**
حبيته لكن غدر
قربت منه هجر
ضاع عمرى وياه هدر
وكأنه طرفه رمش
**
واعمل ايه للقدر
جاب لى حبيب م البشر
عنيييييد وقلبه حجر
قااااسى ومابيرحمش
**
كلمات: محمد عبدالقادر
