صوت الوطن
*******************
لما ينده عليك الوطن ياللا
قوم معاه
أوعى يستناك في يوم ينتظر
وأنت استناه
الوطن ضحى وعاش أبدا ليك
وبناك ثراه
لما يسأل يوم عليك أنت اسأل
خليك وراه
الوطن غالي يابني مش رخيص
والروح فداه
أوعاك تنتظر في يوم صرخته
حس بيها جواه
كون على الحدود سهراه وزود
واحمي حماه
الوطن جوانا يسكن شئ أكيد
وفيك صباه
لو مس يوم تربته غدار غاصب
هز القناة
أوعى عنه تسكت أو تستكين
أو ترضى واذلاه
مصر من زمان ظنوها تسكت
وترضى بالآه
ظنوها سايبة للرايح واللي جاي
نسيوها أرض الله
فيها العصا هزت عروش الظلم
بحكم الإله
فيها المسيح باركها في الملكوت
وطهر خطاه
ووصفها النبي بكلامه وحياها
يا خيرجند الله
على مر الزمان يشهد التاريخ
كم صدت عتاة
ترابها يشهد والكتاب بالأمجاد
قوم واقراه
وافتخر بمصر وطنك وغني ليها
بسم الله
على الربابة حكينا ولسة هنحكي
موال الحياة
أم الدنيا خليك فاكرها وماضيها
إياك تنساه
........................بقلمي // يسري مطاوع
