غَريب أنا في أوطاني
وعلى الغربةْ جَبراني
أَعيش فِيكي وأراضيكي
وإنتي يا أُمي هيناني
تِدوسي فوقي برجليكي
وَمُوت وأرجعلك أنا تاني
فِيكي عَايشْ وِأكفاني
عَلى كِتافي
أَقول هَبعدْ
ماهو البعاد مِن ْقَسوتكْ
مِشْ مِنْ حَنانكْ
جَبرتيني أَخوضْ البحرْ
وأركب موج أحلامي
أَسيبْ ولادي علي الشطآنْ
وأنا الغرقانْ إجباري
ياشباب كَانْ زىّْ الورد
قَطَفْهُم حِلمْ غَدارْ
★★★
ياعروسةْ مستنيةْ
فتى الأحلام راجع تاني
وأحلامهم الورديةْ
ببيت وولاد وحنيه
رجعلك ملفوف في أَكفانهْ
وِعيني عَليكي يا صَبيةْ
★★★
يا أم بلهفةْ وحنيةْ
وِحُضن كبير فاقْ الحد
ووداع لإبن عمري بجد
عليه سعيت وِربيتهْ
وِشلت هَمه ْعلي كتافي
كَبرته وِعلمته
وشوفته بِيكبرْ قُدامي
وجاني في يوم وكان مَهموم
يا أمي شهادتي مالها لِزومْ
وأنا نفسي أشيل عنك
حَبيب القلب يا نور العين
كفايه شوفتك قُدامي
أبَوس إِديكي سَاعديني
أَشوف حِلمكْ وأحققْ كُل أحلامي
هسافر بسْ سنتينْ
وأرجعلك كدا شيءْ تاني
أعوضلك سنينْ العُمرْ
وتدوقي شَهد بَدلْ المُرْ
بلدي يا أمي مِش عَوزاني
حبيب العمر خد مني كل كياني
بس إوعدني ترجع تاني
حَاضر يا مة راجع تاني
ألو وصلت يا ضنايا
بموت يامه ورا أحلامي
بَغرقْ حَضري أكفاني
يا وِيلي البَحرْ غدر بِيهْ
راح السند راحْ الغالي
ورجعت دموعي من تاني
#سناء أبوطبل
2016/9/25