الحمار شاف نفسه..
وافتكر روحه زعيم !!
الغابة قامت مفزوعه..
وقالت : يا رحمن يا رحيم !!
وقالوا : نهارنا كوبيه..
وايامنا زى الطين...
راحوا بالزووفه لبيته..
قاعدين ولابدين..
هتفوا بعلو صوتهم..
اخرج لنا يا حزين...
هو انت نسيت نفسك...
وافتكرتنا برسيم !!

.............................

طلع الحمار مذعور...
ورفس برجليه..
وابتدى بالنهيق ..
وصدع اللى حواليه..
قال : تعبت منكم..
وشيلت بلاويكم..
وياما اتحملت قرف..
وسخافة اهاليكم..
كرهت اشكالكم..
وحتى اساميكم..
حقى ولازم اخده..
من حبابى عنيكم...

........................

الغابة ضجت وثارت..
بعد كلامه...
وقررت تنهى اووام...
خطط احلامه..
دوروا الضرب فيه..
كتير وبزيادة..
وهو ولا حاسس..
حلووف فوق العادة..

........................

بعتروا له التبن...
وهدوا له بيته...
وكمان حرموه...
من روحت غيطه...

..................

سيبوا عيالهم...
بحوارى الغابة...
والهتاف بيزيد..
كل ماده...

.......................

يفط على كل عشه..
تنادى بموته...
وتعلن عن مكافأة..
للى يقطع صوته...

....................

الأسد من بعيد...
شايف الحكاية..
شاور اهله ...
وخد رأى النتاية....

..........................

جاله وفد كبير...
على راسه..
النمر والفهد والفيل...
قالوا له:
عايزينك انت ..
تكون كبيرنا...
اتفقنا ورضينا...
وحددنا مصيرنا...

.............................

موش هنأخد رايك...
دا تكليف منا...
وله انت شايف شوفه..
بغابة غيرنا...

...............

الاسد صاح وصرخ..
وهز عرينه...
حس ان ف كلامهم..
حاجة تدينه...

قال : معاكم انا
بروحى وبدمى...
واهو راح ابايعكم..
هاتوا ايدكوا نسمي..

بقلمى...
هانى حُزين