كنت فاكر......

راجعة تاني تحيي كل شيء مابينا......

كنت فاكر.....

ان الأماني راح تعود تفرح قلوبنا....

كنت فاكر.....

ان هعيش عمري اللي جي ف دنيا تانية......

لكن نصيبنا......

نعيش حياتنا......

من سكات... وعلي الخد دمعة.....

صعبة جدا ... كل حاجة ف وجعها.....

صعب جدا..... الدموع أوقف طريقها...

قلبي اللي نفسه ف الحياه يعيشها فرحة..

هو اللي عايش من سكات. مناه ف همسة..

حني مرة يا حياه يمكن نعيشك..

واخطفينا م الجراح ونكون ف ايدك...

يمكن ساعتها البراح..يكون وليدك...

كنت فاكر.....

مقسومالي..

الضحكة فيكي.....

كنت فاكر....

ان هلقي....

نظرة عنيكي....

تحضن العشق اللي بيا...

لكن قساوتك...

والفراق. هو باقي لي....

خفي حبة علي اللي زيي ....

ولا اقولك.. نفسي تقولي لي...

عايزة ايه مني تاني...

كنت فاكر ...

لسة الأماني...

باقية ليا جوة منك...

جزء من أغنية جديدة
#محمدالباز
19-9-2016