نشر في 17 يونيو,2016 بواسطة malaka25
ابناء للبيع ……..
مين يشتري مني ……..البضاعه دي للبيع
يريت تخفو عني……….ابيع احسن ما يضيع
بص لو فهمني………..معايه طفل رضيع
لساه كان في حضني….
ب ابتسامه ك المصابيح
……….
واد امور وصغير………..حيله امه وابوه
معاه طفله تحير…………قول مشاء الله
السعر موش هدور………باي تمن خدوه
ليه يازمن مستكتر………الفرح يوم يلقاه
…………
خلاص احنا في غابه…….ما بقناش بن ادمين
نعيش في الدنيا ديابه….يا ندفن راسنا في الطين
………
اعلنها الزمن فتوي……..ان احنا موش بن ادمين
الحياه بقيت للاقوي……..للي ماسكين سكاكين
……..
يا ابني انسي اماني……انسي حنان امك
دور علي حد تاني ………في حضنه يضمك
………
وانت وحظك يا ابني…….ظلم بلدنا غلبني
الظالم يعلي ويبني……..والمظلوم للظلم مبني
………
مين يشتري ……………حته من كبد امه
من قال انا ……………..عاوز اكون عمه
ااه لو كان دري…………بحاله وبغمه 
ابن العمر سنه………….موش لاقي حد يلمه
……..
نور العين يا ابني……….ببيعك غصب عني
الدموع حالفه ماتسيبني…بس يريت تسيبني
…….
اللقمه في بقي اتعصرت …
الصحه راحت واتبحترت….
والاخوه في زمنا اتبخرت
معتش ولا صفحه بيضه
كل السطور اتسطرت
……..
بيقت جوه المعصره
ساقيه وتروسها مكسره
الزمن بقي كله افطري
ينعل ابو الحوجه
لابو العيشه والمسخره
……
مين يشتري…….الواد دا مني.
مين مين ………..يشتري